Веќе два дена како екипата на Тиквеш ги одработува летните овогодинешни подготовки. Кавадарчани стартуваа во домашни услови, како што е тоа вообичаено, а за десетина дена ќе заминат во Болу, Турција, каде што ќе биде зенитот на овогодинешниот подготвителен период.
Засилувањата се тука, почнувајќи од Тасев и Стевковски на голот, преку Ацковски, Илиески, Рамадани, а се очекуваат уште неколку новитети.
Претпладнево, екипата на чело со капитените, на заедничко кафе, покажа дека не само што е обединета на терен туку е и надвор од него. Атмосферата во тимот е многу значајна, а тоа Тиквеш очигледно го има на своја страна.
