По 11 години поминати во дресот на Ватфорд, напаѓачот Трој Дини денеска доби и официјален одговор од клубот дека договорот нема да му биде продолжен. Капитенот на клубот, го заврши актуелниот договор со Ватфорд ова лето, но сакаше да остане и во текот на наредните две сезони.
На 33-годишниот Дини, претседателот Скот Даксбери му се заблагодари за времето поминато во Ватфорд.
„Низ многу височини и падови, името на Трој Дини е неразделно поврзано со Ватфорд веќе 11 години. Мислам дека бевме добри со него и знам дека тој беше неверојатно добар со нас. Од моја страна, како претседател и извршен директор, размислувам за многу позитивна и заемно почитувана врска со Трој“, напиша Даксбери.
Трој Дини го напушта Ватфорд по 11 години, 419 одиграни натпревари и 140 постигнати голови. Следна негова дестинација ќе биде второлигашот Бирмингем.
