Јасно е дека во фудбалот не секогаш се важни парите, големината на буџетите, но исто така е важно дека само со многу пари и големи буџети можеш да направиш добар тим кој може да направи нешто во Европа.
Во пресрет на вечерашниот дуел од плеј – офот во Лигата на Европа меѓу Шкендија и Лудогорец, убаво е да видиме што “кажува“ Трансферакт во поглед на вредноста на двете екипи.
Во Македонија клубот од Тетово важи за еден од најбогатите, а според играчите и за клуб со најголема вредност.
Трансфермаркт вели дека Шкендија во моментов има играчи кои заедно вредат 5,5 милиони евра, а дека Клисман Цаке со 600.000 евра е најскапиот играч.
Но Шкендија во однос на Лудогорец чиста сиромаштија, ако се знае дека шампионот на Бугарија има тим и играчи кои заедно вредат 51,2 милиони евра или речиси десет пати повеќе од Шкендија.
Инаку најскапиот играч на клубот од Разград е Бернард Текпетеј од Гана, некогашен играч на Шалке, со вредност од 4,5 милиони евра или само тој вреди речиси колку сите играчи на Шкендија заедно.
И затоа Лудогорец е непрокосновен во својата земја, и затоа често игра во групната фаза во европските натпреварувања.
