По поразот во продолжениј (4:1) од екипата на Лудогорец, Шкендија ги заврши настапите во Лигата на Европа, но европската есен ќе ја помине во Конференциската лига. На прес-конференцијата по мечот со Лудогорец, тренерот на тетовци, Јетон Беќири, зборуваше за успехот на неговиот тим.
„Честитки за Лудогорец за пласманот во Лигата на Европа. Ние бевме толку блиску, ама сепак далеку. Мора да бидам искрен, имавме лошо прво полувреме, но во вториот бевме подобри. Во моментов сум тажен за елиминацијата, но во исто време сум горд на играчите и на начинот на кој го презентиравме македонскиот фудбал. Пласманот во Конференциската лига е добар успех. Ќе се обидеме да го презентираме македонскиот фудбалот во најдобро светло. Голема благодарност и до навивачите кои секогаш не поддржуваат и до фудбалската јавност во Македонија која беше со нас. Пред да почнат европските мечеви, со двете раце ќе го прифатевме пласманот во главна фаза на некое европско натпреварување“, изјави Беќири.
