Она што Филип Петрушев, репрезентативецот на Србија го направи на мечот со Португалија,навистина ретко се случува. Имено тој со бокс во пределот на стомакот удри противнички играч во 5.минута од средбата. Јасно е дека претходно репрезентативецот на Португалија грубо се однесуваше, но повеќе од јасно е дека Петрушев тоа не смееше да го стори, токму затоа веднаш беше исклучен.
Инаку Дисциплинската комисија на ФИБА одлучи за казната. Петрушев е казнет со еден меч забрана за настап за својата селекција ама условно и тоа во рок од три години. Тоа значи дека српскиот кошаркар ќе може денеска да игра против Летонија ама ако во рок од три години го направи истото казната автоматски стапува на сила.
Исто така има и парична казна од 5.000 евра.
Според правилникот на ФИБА, во случај на повторување на делото, казната автоматски се удвојува.
