Познато е што се случуваше од триесетите години на минатиот век па наваму, посебно во Каталонија. Па така кога играат Барселона и Реал Мадрид, а и кога се игра градското дерби Барселона – Еспањол, тоа е повеќе од еден обичен фудбалски натпревар.
Секако дека тука во главна улога е историјата, политиката. Едните се за отцепување (Барселона), а другите се останување во Шпанија (Еспањол).
Инаку Еспањол, за разлика од неговиот помоќен градски ривал Барселона, сака да каже дека е аполитичен фудбалски клуб. И се верува дека повеќето од неговите поддржувачи се за останување во Шпанија. Во Барселона, тие беа отворени за референдум за отцепување. И тоа не е тајна.
Свој коментар за ова има Маурицио Покетино, сегашниот селектор на САД, кој е играчка легенда на Еспањол а поранешен тренер на Тотенхем, ПСЖ, Челзи, Саутемптон:
„Што значи тоа дека Барса е повеќе од клуб? Дали тоа значи дека децата треба да бидат индоктринирани со некои идеи“, вели Аргентинецот.
Некои се за обединета Шпанија, додека други веруваат дека би живееле подобро ако се отцепат. И иако тоа не е најголемата поделба во земјата – јазот меѓу десницата и левицата ретко каде е толку изразен како во Шпанија, а таков е уште од Граѓанската војна во 1936 година.
„Секогаш се обидувам да го објаснам тоа без да навредам никого… Тие самите велат дека Барса е повеќе од клуб. Што точно значи тоа? Дали значи дека децата треба да бидат индоктринирани со одредени идеи? Мислам дека Барселона греши тука. Секој фудбалски клуб има своја култура, а Барселона е голем клуб, но не ми се допаѓа она што ми го нудат да го купам или приказната што сакаат да им ја продадат на луѓето. Јас во целост се идентификувам со Еспањол и затоа можам да кажам дека никогаш нема да бидам тренер на Барса“, категорично рече Покетино.
