Екипата на Вардар на стартот на новата ракометна сезона во домашниот шампионат успеа да слави на гостувањето кај тимот на Струга со конечни 25-38, и на тој начин да ја оправда улогата на овој дуел. „Црвено – црниот“ состав на вистинскиот начин се опорави од поразот во вечното дерби против Пелистер одиграно во рамките на Супер купот на Македонија.
Домаќинот на овој меч парираше колку што можеше во првите минути од мечот, а потоа истиот замина во реалниот правец. На полувреме Вардар водеше со 11-20, по што рутински го приврши дуелот.
Најефикасен ракометар кај победничкиот тим беше Кавада Харуки кој постигна девет голови од 11 обиди, а пет гола постигна Ален Ќосевски. Кај Струга најефикасен беше Стефан Андоновски кој запиша седум голови.
