Македонската репрезентација генерација 2006, под водство на селекторот Неџат Шабани, денеска го одигра првиот меч од традиционалниот турнир „Влатко Марковиќ“ против соодветната селекција на Белорусија. Загубивме со 2:4 иако на полувреме имавме позитивни 2:2.
Стрелци за нас на овој натпревар беа Максимилијан Димитриевски и Алтин Алију. Сепак, во вториот дел не издржавме и противникот на крајот триумфираше.
Утре нема одмор за нашите млади фудбалери, затоа што веќе е закажано второто коло во кое играме токму против домаќинот Хрвастка. Мечот се игра во Карловац со почеток од 17:30 часот.
