Италијанската кошаркарска јавност влегува во нова ера откако Џанмарко Поцеко одлучи да се пензионира по три години на клупата на „Аѕурите“. Поразот од Словенија на Евробаскетот беше пресвртница, а сега многу се зборува за неговиот наследник.
Лука Банки привлекува најголемо внимание, тренерот кој изгради респектабилен тим со Летонија и чие искуство може да биде клучно во водењето на Италија во следниот циклус.
Покрај него, во оптек се уште две познати имиња. Андреа Тринкиери, стратег кој работеше во бројни европски клубови и моментално е слободен, како и Саша Ѓорѓевиќ, поранешниот селектор на Србија и Кина, чиј ангажман би предизвикал посебно внимание.
