Поранешниот фудбалер на Манчестер Јунајтед и некогашен репрезентативе на Франција, Ерик Кантона, апелираше до ФИФА и УЕФА да им забранат на израелските тимови и клубови учество во меѓународни натпреварувања, наведувајќи го примерот со меѓународната забрана за Русија.
„ФИФА и УЕФА ја суспендираа Русија четири дена по почетокот на конфликтот во Украина. Поминаа 716 дена од почетокот на она што Амнести интернешнл го нарече геноцид, а на Израел сè уште му е дозволено да учествува. Зошто двојни стандарди? ФИФА и УЕФА мора да го суспендираат Израел. Клубовите и активните играчи ширум светот мора да одбијат да играат против израелски тимови“, изјавил Кантона на добротворниот настан „Заедно за Палестина“ во Лондон.
Сите руски тимови, вклучувајќи ги и националните тимови, се суспендирани од меѓународни натпреварувања од страна на ФИФА и УЕФА поради ситуацијата во Украина. Израелската репрезентација продолжува да игра на меѓународно ниво, натпреварувајќи се и во квалификациите за Светското првенство во 2026 година.
