Екипата на Јувентус ја совлада екипата на Кремонезе со 1:2 во вечерашниот натпревар од италијанската Серија А. Лучиано Спалети го започна својот мандат на клупата на Јуве со многу важна победа.
Филип Костиќ го отвори резултатот уште во втората минута и со тој резултат екипите заминаа на одмор. Во вториот дел Камбиасо ја зголеми предноста за гостите во 68-та минута, а во 82-та Џејми Варди го постигна својот втор погодок во дресот на Кремонезе и го постави конечниот резултат.
Со оваа победа Јувентус се качи на 5-тото место на табелата со 18 бода, додека пак Кремонезе се наоѓа на 9-тата позиција со 4 бода помалку.
