Селекцијата на Данска е противникот на Македонија во полуфиналето од баражот за пласман на СП 2026 кое се одржува во Северна Америка од 11 јуни до 19 јули. Секако дека ова е силен ривал, ама и останатите можни беа исто така силни. Како што е познато играме на гости. Во случај да ја минеме оваа пречка тогаш во финалето се среќаваме со победникот од дуелот Чешка – Р.Ирска.
Вака сакаше ждрепката денеска која се одржа во Цирих.
Баражите се играат на 26 и 31 март, значи нашата најдобра фудбалска репрезентација е на две победи од историски пласман на едно СП. Минатиот пат не успеавме, ја минавме Италија во полуфиналето и тоа како гости, но во финалето, исто така како гости, бевме елиминирани од селекцијата на Португалија.
Да се надеваме дека овојпат ќе имаме повеќе среќа и конечно ќе го оствариме сонот на цела Македонија – пласман на Мундијал.
