Кошаркарите на ЛА Клиперс го претрпеа петтиот последователен пораз, со 123-140 од Мајами и дојдоа до најочајната серија од само две победи во последните 15 натпревари. Вистинска катастрофа. Тоа беше причина вечер да се појават и првите информации дека клубот му врачил отказ на тренерот Тајрон Лу, информација која чека официјална клупска потврда.
Клиперси се во мрачно расположение по катастрофалниот почеток на сезоната. Ветеранот Крис Пол, во својата последна сезона, објави чудна слика пред натпреварот, со зборот „leeway“, што значи „слободен агент“. Дали алудираше на слобода за себе или за Тајрон Лу, тренерот на тимот, може само да се претпоставува.
Заклучокот е разочарувачки: Лу ја загуби контролата врз тимот, а Клиперси не можат да излезат од кризата. Проблемите не се само поради недоследноста на Џејмс Харден и здравјето на Кавај Ленард. Одбраната на тимот драматично се влоши, откако минатата сезона беше на третото место по дефанзивен рејтинг. Еден од клучните моменти веројатно е и заминувањето на Норман Пауел кој беше најпостојаниот играч на Клиперси минатата сезона, но сега се пресели во Мајами. Во меѓусезоната, Норман беше разменет за Џон Колинс, со надеж дека ќе го засили предниот дел од нападот. Но, сезоната на бекот заврши пред да започне.
