По денешната официјализација на Гоце Седлоски за нов селектор на А-репрезентацијата на Македонија, веќе се познати и неговите најблиски соработници со кои ќе ја започне работата на клупата на нашиот национален тим.
Прв асистент на Седлоски ќе биде актуелниот тренер на ФК Тиквеш од Кавадарци, Борче Христов, додека како втор асистент ќе биде досегашниот селектор на младата репрезентација до 19 години, Ерхан Селими.
Нов тренер на голманите во репрезентацијата ќе биде Гого Јовчев, додека задолжен за анализа ќе биде Мартин Христов.
ФФМ денеска донесе одлука за именување на Седлоски за нов предводник на А-националниот тим, а за утре е закажана и официјалната промоција.
