Во некои земји неуспех на едно големо фудбалско натпреварвање се смета како голема трагедија, така е и во Габон.По катастрофалниот настап на турнирот во Мароко, каде што репрезентацијата на Габон забележа три порази во исто толку натпревари, имаше остра реакција од државните власти.
Министерот за спорт, Симплис-Дезир Мамбула, предложи радикални чекори што вклучуваат суспензија на националниот фудбалски тим и исклучување на Пјер-Емерик Обамејанг, најголемата ѕвезда и најдобриот играч во историјата на земјата.
„ Барам распуштање на тренерскиот персонал и суспензија на националниот тим до понатамошно известување. Исто така, барам исклучување на Бруно Манга и Пјер-Емерик Обамејанг од тимот“, рече Мамбула.
Ситуацијата ја коментираше и претседателот на земјата, Брајс Клотар Олиги Енгема, кој го окарактеризира неуспехот на спортскиот терен како удар врз националната гордост, нагласувајќи дека „дел од националниот идентитет е ослабен“.
