Барселона го освои трофејот во Суперкупот на Шпанија победувајќи го Реал Мадрид со 3:2 во фантастично финале, а јавноста во Шпанија е воодушевена од зборовите на Чаби Алонсо по поразот на неговиот тим во Ел Класико.
Алонсо верува дека овој пораз не е толку тежок бидејќи е финале во најнезначајното натпреварување, но навивачите на Реал немаа милост кон него поради тоа и мислат дека нема да биде изненадување ако наскоро биде отпуштен.
„Кога го примивме третиот гол, бев 100% убеден дека имаме шанса да израмниме. И го направивме тоа, но топката едноставно не сакаше да влезе во голот“, рече Алонсо на почетокот и продолжи.
„Мораме што е можно поскоро да свртиме нов лист. Ова е само еден натпревар и тоа е натпревар од Суперкупот. Од сите натпреварувања во кои учествуваме, ова беше најмалку важно. Мора да продолжиме понатаму, да се опоравиме, да го подигнеме моралот и да се фокусираме на она што доаѓа“.
Сепак, навивачите на Реал не простуваат вакви порази против својот најголем ривал, особено затоа што тоа е веќе трето финале по ред во кое Барселона ги победи.
Дали ваквите зборови ќе го чинат Алонсо работата во Реал Мадрид, останува да се види, но тие сигурно веќе го чинеа статусот меѓу навивачите на кралскиот клуб.
