Почнувајќи од 15 декември, играчите од НБА кои неодамна потпишаа договори за време на меѓусезоната стануваат достапни за размени. Во овој период, гласините за потенцијални размени се зголемуваат. Дискусиите ја вклучуваат и можноста Јанис Адетокумпо да го напушти Милвоки или да влезе во потенцијална размена за Камерон Томас од Бруклин. Покрај оваа, во САД се шпекулира и со уште неколку можни трејдови.
Според инсајдерот Еван Сидери, Њујорк и Феникс преговараат за потенцијална размена на Гершон Јабуселе и Ник Ричардс. За да избегнат целосно плаќање на данокот на луксуз, Санс се подготвени да го испратат и ветеранот Најџел Хејс-Дејвис, кој игра со минимален договор, во трет тим.
Според Кристијан Кларк од „Атлетик“, за кошаркарот на Далас Маверикс, Наџи Маршал, сезаинтересирани бројни НБА тимови. Сепак, раководството на Маверикс нема намера да се раздели со играчот во неговиот најдобар период. Маршал би можел да биде продаден само ако тимот добие навистина профитабилна и специјална понуда.
Според Брет Сигел, Голден Стејт Вориорс и ЛА Лејкерс сè уште не се вклучиле во сериозни разговори во врска со Џонатан Куминга. Иако Лејкерс се навистина заинтересирани за Куминга, Вориорс јасно ставија до знаење дека Лејкерс немаат никакви средства за формална понуда.
Крис Додсон од „Клач Поинтс“ известува дека Бруклин покажува сериозен интерес за потенцијална размена на плејмејкерот на Мемфис Гризлис, Џа Морант. Тој тврди дека клубот ги има сите потребни ресурси – и договори со играчи и избори на драфтот – за да се реализира таков договор. Една од мотивациите на „Нетс“ би можела да биде да привлечат навивачи и да го предизвикаат Њујорк на полето на популарност во градот.
