Машката сениорска репрезентација на Македонија денеска ќе ги одмери силите против Луксембург во рамките на претквалификациите за ЕП 2029 година. Нашите момци се фаворити на оваа средба, исто како и претходно. Мечот е закажан во салата „Лазар Лечиќ/поранешна Градски Парк“ со почеток во 18 часот.
Досега низ историјата, одиграле четири натпревари против селекцијата на Луксембург, и сите четири ги решиле во своја корист.
За прв пат, „црвено-жолтите“ се сретнале со селекцијата од средишниот дел од Европа во квалификациите од Дивизијата „Б“ за пласман на ЕП во Србија и Црна гора во 2005 година.
Две убедливи победи, прво на гостински терен со (94:69), нешто подоцна и на домашен (105:66), беа најава за пробојот на нашиот национален тим кон „А“ дивизијата (во друштво со селекциите на Финска и на Грузија).
Требаше да поминат 12. години, за овие две селекции одново да се „судрат“ во еден квалификациски циклус. Овојпат, за пласман на Европското првенство во 2017 година.
И во тој период од 31.август до 18.септември, 2017 година, одигравме два натпревари против репрезентацијата на Луксембург. На отворањето на тие квалификации, во салата „Јасмин“ во Кавадарци, победивме со сигурни (89:75), во натпревар во кој актуелниот капитен нa нашиот национален тим, Војдан Стојановски беше најефикасниот актер, реализираше 28.поени.
Тимот во кој ба и неговите сегашни соиграчи, како Андреј Магдевски и Стојан Ѓуроски, извојува триумф и на гостински терен во Луксембург (82:74), во тој квалификациски циклус во кој за прротивници ги имавме и репрезентациите на Велика Британија и Унгарија.
ПОГЛЕД НИЗ ИСТОРИЈАТА
МАКЕДОНИЈА – ЛУКСЕМБУРГ 4-0
(меѓусебни натпревари)
Квалификации „Б“ дивизија за ЕП во Србија и Црна Гора во 2005 (во група со репрезентациите на Финска и Грузија)
Луксембург – Македонија 69:94
Македонија – Луксембург 105:66
Квалификации за ЕП во 2017 година (во група со репрезентациите на Велика Британија и Унгарија)
Македонија – Луксембург 89:75
Луксембург – Македонија 74:82
