Менаџерот на Арсенал, Микел Артета, ќе се обиде да го освои својот втор голем трофеј како тренер. Лондончани се соочуваат со Манчестер Сити во финалето на Лига Купот во недела. Артета е непоразен како играч или менаџер на Вембли.
„Возбуден сум, ентузијастичен сум. Победував пред преполн Вембли и тоа е едно од моите најдобри сеќавања како играч. Знаеме што е во прашање“, рече Артета.
На прашањето дали ова е почеток на нова ера за Арсенал, тој рече
„Имаме многу да направиме за да почнеме да ги користиме тие зборови. Возбудени сме за она што го правиме. Мора да продолжиме.“
На прашањето дали притисокот е поголем врз Арсенал отколку врз Манчестер Сити, Шпанецот рече:
„Кога сте во оваа позиција и не сте освоиле трофеј со години, тоа ја зголемува потребата за него, но исто така ве мотивира повеќе. Тоа е важно за нас и е нешто што се обидуваме да го постигнеме веќе некое време.“
Артета зборуваше и за својот однос со Пеп Гвардиола:
„Тој е во Манчестер, јас сум во Лондон. Никогаш не сме заедно, не можеме да поминуваме време заедно. Моите чувства кон него не се променија. Тоа е важно, но не и најважното. Она што го направи за мене, тој е инспирација за мене, тоа никогаш нема да се промени. Не разговарав со него оваа недела. Во недела дефинитивно ќе разговараме.“
