Утре (сабота) со почеток во 12 часот во СРЦ “Борис Трајковски“, РК Алкалоид ќе го одигра својот прв официјален натпревар во својата историја и тоа против РК Металург РА. Како што е познато РК Алкалоид како ноформиран клуб ќе се натпреварува во Првата лига, која оваа сезона ќе брои 19 клубови.
Екипата на РК Алкалоид е веќе формирана, играчите се во полн тренажен процес и подготвени за предизвиците кои доаѓаат во ракометната сезона. Екипата е составена од млади, талентирани ракометари, кои биле дел од младинските состави на нашата ракометна репрезентација, но и дел од сениорскиот состав. Составот на РК Алкалоид за оваа сезона е следниот.
Голмани: Иван Галевски, Ѓорѓи Ерманоски, Валентино Штаковски
Бекови: Мартин Серафимов, Игор Ѓоргиев, Теодор Тодески, Олег Јорданов, Михаил Ивановски, Божидар Илиески
Кружни напаѓачи: Кристијан Симоноски, Марко Стојковиќ, Дамјан Георгиевски
Крила: Дарио Кофилоски, Александар Стојков, Мартин Димовски, Михајло Костовски
Стручниот штаб е составен од искусни ракометни експерти од нашата држава.
Главен тренер: Љубомир Савевски
Помошници тренери: Биљана Црвенковска, Бранислав Ангеловски, Влатко Котески
Кондициски тренер: Петар Баснарков
Физиотерапевт: Тошо Ристовски
