Поранешниот менаџер на Ливерпул, Јирген Клоп, зборуваше за разделбата на „Редси“ со Мохамед Салах, што ќе се случи по завршувањето на оваа сезона.
Клоп беше менаџерот на Ливерпул кој го донесе Египќанецот на „Енфилд“ во 2017 година, а Салах стана ѕвезда и им помогна на „Редси“ да освојат низа трофеи.
„Беше задоволство, беше предизвик, беше напорна работа од двете страни. Прилично сум сигурен дека имаше момент во животот на Мо кога сонуваше да го постигне она што го постигна. Не можев да замислам дека она што го направи – неговата статистика, неговите перформанси – беше можно. Прилично сум сигурен дека некои од неговите достигнувања никогаш нема да се повторат“, рече Клоп, кој сега е спортски директор на компанијата за енергетски пијалоци „Ред Бул“.
Во продолжение тој истакна:
„Головите што ги постигна, конзистентноста што ја покажа, желбата и нетрпението што ги покажа, стануваа сè поголеми и поголеми. Секоја година се враќаше по летната пауза со нова вештина, нова идеја. Навистина се надевам дека ќе ужива во остатокот од сезоната и навистина се надевам дека во последниот натпревар сите ќе имате насмевка на лицето и само ќе бидете среќни и благодарни што бевте дел од една од најневеројатните кариери во кои некогаш ќе бидеме дел. Една од најголемите на сите времиња, сигурно!“, заклучи поранешниот менаџер на Ливерпул.
