Ненад Димитријевиќ одигра одличен меч во рамките од новото коло од Евролигата вечерва. Неговиот Баерн Минхен на домашен терен го совлада тимот на Фенербахче со конечни 85:76, а нашиот Димитријевиќ е најефикасен кошаркар на мечот со 22 постигнати поени.
Нено на ова додаде и три асистенции и еден скок, во еден од најдобрите негови мечеви одиграни откако е дел од „Баварците“.
Баерн одлично го започна мечот со висока предност од 25:12 по првиот дел, но Фенер во второто полувреме се созема и стигна некако до неизвесен финиш. Сепак, турците немаа сила за комплетен пресврт туку само за поднослив пораз што се вели.
