Вардар и Работнички денеска ќе го одиграат 102 градско дерби од својата историја на постоење. Овие два тима за првпат се сретнале во 1951 година во рамките на втората југословенска лига, а дебармалци славеле со 2:1.
Денешниот меч се игра на Национална арена „Тодор Проески“ во Скопје, со почеток во 15:30 часот.
Двата тима во оваа пресметка влегуваат од различни позиции, но и со различни амбиции. Вардар е лидер на табелата и бодовите ќе значат задржување на врвот во битката за титулата, додека пак Работнички ќе бара бодови за спас, бидејќи се бори за опстанок во фудбалската елита во ПМФЛ.
