Централниот дефанзивец Тиаго Силва би можел да се врати во Милан.
41-годишниот Бразилец го напушти Порто, откако клубот не му го обнови договорот. Според бразилски извори, Тиаго добил понуда од Милан да потпише договор на една сезона до јуни 2027 година и да ја заврши кариерата во клубот за кој играше од 2009 до 2012 година.
Во исто време, доколку играчот одлучи да ја заврши кариерата ова лето, тој има понуда за работа во рамките на структурата на Челзи, каде што играше од 2020 до 2024 година.
Силва одигра осум натпревари во португалското првенство оваа сезона.
