Британскиот возач Џорџ Расел со Мерцедес ја искористи најдобрата стартна позиција и ја освои спринт трката за Големата награда на Канада во Монтреал.
Расел беше во водство во текот на целата трка, во текот на 23 круга, и заслужено славеше пред својот сонародник Ландо Норис, актуелниот светски шампион, кој му го донесе второто место на Мекларен.
Втората стартна позиција пред спринтот ја држеше моменталниот лидер во генералниот пласман, Кими Антонели, но за време на трката младиот 19-годишен Италијанец двапати излета од патеката, а Норис го искористи тоа и го освои второто место.
Зад третопласираниот Антонели, возачот на Мекларен, Оскар Пјасти, го освои четвртото место, а по него следеа дуото на Ферари, Шарл Леклерк и Луис Хамилтон.
Големата награда на Канада е закажана за утре со почеток во 22 часот по средноевропско време.
