Сега веќе поранешниот тренер на Манчестер Сити, Пеп Гвардиола, како своја следна работа најверојатно ќе има селекторска улога во некоја репрезентација.
Каталонскиот тренер го напушти Сити по 10 години во клубот, во кои освои 20 трофеи. Гвардиола ќе стане амбасадор на Сити Фудбал Груп, во која се вклучени Сити и уште 10 клуба.
Според „talkSPORT“, Пеп сонува еден ден да ја води репрезентацијата на Англија. Во меѓувреме, Фудбалската федерација на Саудиска Арабија сака да го назначи 55-годишниот стратег за нов селектор во националниот тим.
„Саудиска Арабија е сосема прифатлива опција. Иако, секако, ОАЕ, со оглед на нивните врски со Манчестер Сити, исто така би можеле да бидат опција. Пеп отсекогаш бил идеален избор за репрезентацијата на Англија. Знаеме дека Томас Тухел го продолжи договорот, но на долг рок… Мислам дека Саудиска Арабија ќе ја продолжи поканата на Гвардиола со долгорочна перспектива. Нема да паничат ако не го добијат сега. Ќе размислуваат повеќе за тоа дали е способен да биде селектор на Светското првенство во 2034 година“, вели новинарот Бен Џејкобс.
