Ноќ за паметење на Марко Асенсио. Хет-трик на младиот голгетер на Реал (М) за нова, петта, победа на „кралскиот“ клуб во новата сезона во Ла Лига.
Карим Бензема во 3. минута го отвори резултатот за водство на домашните од 1:0, по што следуваше шоуто на Асенсио. Најпрво во 24. минута зголеми на 2:0, па откако гостите преку Ли успеаја само минута потоа да намалат на 2:1, Асенсио со својот втор гол во 29. минута го затвори полувремето со 3:1.
По само 10 минути во вториот дел Асенсио погоди и третпат за 4:1. Реал не застана, па во 78. минута Бензема со својот втор гол ги доведе домашните и до убедливи 5:1, па следуваше и гол за резервистот Иско во 84. минута за 6:1.
Конечно, и Виљареал успеа да слави. Во петтиот меч сезонава, момците на Унаи Емери славеа со 4:1 над екипата на Елче.
