Холандија убедливо ја победи Шведска со 5-1 (2-0) во нивниот втор натпревар од Групата Ф во Хјустон. Брајан Броби (5′, 17′) и Коди Гакпо (47′, 54′) постигнаа два гола за Холандија, додека Ентони Еланга (59′) го постигна единствениот гол за Шведска пред Крисенсио Самервил (89′) да го постави конечниот резултат.
Инаку Холандија вечерва постави два рекорди на Светските првенства. Ова беше нивниот 14-ти последователен натпревар без пораз, серија што започна во првото коло од Светското првенство 2014 со триумф од 5-1 над Шпанија. Оттогаш, „Лалињата“ имаат забележано 10 победи и четири нерешени резултати, вклучувајќи два нерешени натпревари против Аргентина во полуфиналето 2014 и четвртфиналето 2022. И двата пати беа полоши во пенал-натпреварите.
Последниот пораз на Холандија на Светско првенство, без пенал-натпреварите што се сметаат за нерешени, се случи во финалето во 2010 година, кога Шпанија победи со 1-0 по продолженијата. Претходно, рекордот го држеше Бразил на Пеле, кој имаше 13 последователни натпревари без пораз помеѓу 1958 и 1966 година. Бразилците победија на 11 и одиграа два нерешени натпревари во таа серија.
Тоа беше и нивниот 18-ти последователен натпревар во групната фаза без пораз. Серијата започна во третото коло од Светското првенство во 1994 година со победа од 2-1 над Мароко. Нивниот последен пораз на тој турнир беше против Белгија (1-0).
1 – With their victory against Sweden, the Netherlands break the records for:
✅ Most consecutive FIFA World Cup matches without defeat (14)
✅ Most consecutive FIFA World Cup group stage games without defeat (18)
Best-ish. pic.twitter.com/bJOmAe3H6f
— OptaJohan (@OptaJohan) June 20, 2026
