Бугарските медиуми покрај успесите на Левски и ЦСКА во моментов се бават и со помалите клубови од тимот на Спартак Варна, каде што до вчера тренер беше нашиот Ѓоко Хаџиевски.
Искусниот стратег си замина од овој клуб, а во изјаваза за бугарските медиуми реши што се вели, да „си ја отвори душата“.
„Минатата година ја завршивме на најдобар начин. Но, работите во клубот се развија и целата оваа атмосфера позната од самиот почеток ме направи горд. Мојата работа беше, со моето искуство како долгогодишен тренер, да му помогнам на клубот. А сега имам многу убави спомени. Бевме со најмладиот тим против ЦСКА, кога завршивме во Софија со 1:1.“ – вели Хаџиевски па додава.
„Многу ми е тешко, имав идеја да предложам пред натпреварот со Черно Море да си заминам, но заради клубот решив да останам за градското дерби, кое сите го очекуваат со големо нетрпение. Се молев на Бога да заврши на најдобар начин и го сторивме тоа и на тоа сум горд. Бевме обединети, дури и кога губевме. Особено минатата сезона. Од првиот натпревар кога дојдов, бев пречекан многу топло и топло и им благодарам на сите за овој прием. Клубот има перспектива, а покрај тоа, заедно со моето присуство во Спартак, клубот доби и навивачи од Северна Македонија. Сакам да им се заблагодарам на сите во клубот, на сите навивачи. Си заминувам со срце полно со љубов и спомени“, – вели искусниот стратег.
