Пелистер за кратко време нареди победи во Регионалното натпреварување. Третата победа во низа актуелниот македонски вицепрвак ја запиша на сметка на Дубочица, тим против кого славеше со убедливи 38-24 (18-13).
Ова воедно и беше последен натпревар пред стартот на македонската Суперлига и натпреварот во Охрид во недела на 6 септември.
Овој натпревар беше решен после првото полувреме по кое битолчани имаа позитива од пет гола. Доминацијата на македонскиот тим продолжи и во следните 30 минути.
Овој пат лидер во редовите беше Петар Атанасијевиќ со 11 погодоци, зад него беше капитенот Филип Кузмановски со 8 гола.
Претходно Пелистер славеше против Партизан и Ловќен.
