Денеска стартува 30. јунилејна прволигашка кошаркарска сезона. Дефинитивно по воведот во подготовките, поточно пријателските натпревари не очекува и тоа како интересна битка за тронот.
Бранител на двете круни е МЗТ Скопје. Но, тимот од Аеродром овој пат има силна конкуренција. Речиси сите клубови добро се „потковаа“, па изненадувањата ќе бидат неизбежни.
Дебитанската улога ја имаат Феникс 2010 и Ангели. Оваа сезона најсилното кошаркарско натпреварување брои најмногу тимови од Скопје. Вкупно седум клуба од главниот град имаат прволигашки статус.
Покрај двата дебитанти, тука се МЗТ Скопје и МЗТ Скопје 2, Работнички, ТФТ и Академија ФМП, останатите места им припаѓаат на Пелистер, Еуро Никел, Кожув, Куманово и Гостивар.
Секој има свој специфичен начин на играње, секој направи промени за да го надокнади пропуштеното од минатата сезона. Прв на оваа листа е Пелистер, имаше силен старт, но неуспешен финиш. За титулата ќе гризе и Еуро Никел, лани најавија дека имаат сили за многу повеќе, не треба да се избришат ниту ТФТ, Куманово, Гостивар, Академија ФМП.
За градските ривали, МЗТ Скопје и Работнички веќе е јасно, нема сезона во која тие се без шампионски амбции.
Први да го отворат 30. јубилејно издание ќе им припадне на Феникс 2010 и Академија ФМП, мечот се игра денеска во СЦ „Јане Сандански“ со почеток во 14 часот.
ДВОЈКИ 1. КОЛО
2. ОКТОМВРИ (САБОТА):
14.00: Феникс 2010 – Навико Академија ФМП
Мала сала на СЦ „Јане Сандански“ – Скопје
16.30: МЗТ Скопје Уни Банка – Работнички
Мала сала на СЦ „Јане Сандански“ – Скопје
18.00: Еуро Никел 2005 – Гостивар
Сала „Јасмин“ – Кавадарци
3. ОКТОМВРИ (НЕДЕЛА):
18.30: Пелистер – МЗТ Скопје Аеродром
Сала „Младост“ – Битола
4. ОКТОМВРИ (ПОНЕДЕЛНИК):
17.30: Кожув – ТФТ
Сала „26.април“ – Гевгелија
18.00: Куманово 2009 – Ангели
Сала „Перо Наков“ – Куманово
