Познатиот спортски адвокат од Канада, Ричард Мекларен деновиве објави ексклузивни информации кои е базирани врз негова неколкугодишна истрага околу регуларноста на боксерскиот турнир на Олимпијата во Рио во 2016 година.
Мекларен сподели со јавноста информации дека најмалку десетина мечеви од бокс турнирот имаат сериозен проблем со регуларноста. По налог на меѓународната боксерска организација AIBA, тој и ја спроведе истрагата затоа што истата беше обвинета за корупција и суспендирана од страна на МОК, меѓународниот олимписки комитет.
Последниот олимписки турнир во Токио беше организиран во корелација со сосема друга боксерска организација (МОО).
„Коруптивната мрежа е изградена многу порано од 2016 година. Постојат индиции дека има нелегално работење уште во 2011 година, и нерегуларности дури и на Олимписките игри во Лондон во 2012. година. AIBA има долга историја на сомнително работење“ – изјави Мекларен во извештајот.
