Дожд од голови на „Луиџи Ферарис“ во Џенова на мечот меѓу Сампдорија и Удинезе во 7. коло на Серија А. На крајот поделба на бодовите со резултат 3:3. Гостите водеа на полувреме со 1:2 Переира донесе водство за гостите, изедначи Страјгер со автогол, но Бето одново носи предност за „зебрите“.
Во второто полувреме Сампдорија направи пресврт со головите на Кваљарела и Кандрева, а тимот од Удине изедначи во 84. минута преку Форестиери.
Кваљарела е седмиот фудбалер во Серија А кој постигнал гол на 17 сезони по ред по Алфатини, Џани Ривера, Роберто Манчини, Роберто Баџо, Алберто Џилардињо и Франческо Тоти.
А Верона со 4:0 ја совлада Специја. Во првото полувреме реализираа Симеоне, Фараони и Капрари, а во вториот дел Беса го постави конечниот резултат.
