Фудбалските лиги во светот сè повеќе се прилагодуваат на европските стандардни сезонски услови, односно кога лигата се префрла од една година во друга.Поради поголемата популарност, но и следбениците на самата лига, Јапонија се одлучи за таков потфат од сезоната 2026/2027, а сега друга лига ги следи тие чекори.
Мејџор лигата во фудбал (МЛС) ќе направи една од најголемите промени во својата историја. Американско-канадското фудбалско првенство го напушта тековниот календар на натпревари и преминува на систем што го користат најсилните европски лиги со години.
Промената ќе стапи на сила во летото 2027 година, кога ќе започне првата целосна сезона според новиот распоред. Сезона 2027/2028 ќе започне во средината на јули 2027 година и ќе заврши во мај 2028 година.
Ќе се организира зимска пауза помеѓу двата дела од првенството. Натпреварувањето ќе биде прекинато во средината на декември, нема да има натпревари во текот на јануари, а првенството ќе продолжи во февруари.
Ова значи дека МЛС конечно ќе го усогласи својот календар на натпревари со најголемите европски првенства, што треба да им донесе и одредени предности на клубовите на меѓународниот пазар.
Овој потег не е единствен во светскиот фудбал. Јапонија веќе презеде сличен чекор, па затоа Ј-лигата таму од сезоната 2026/2027 се префрли на нов календар.
Јапонското првенство сега започнува во август, а завршува на крајот на мај следната година, со зимска пауза во најстудениот дел од годината. МЛС, сепак, ќе игра посебна преодна сезона пред целосната транзиција. Ќе трае од февруари до мај 2027 година, ќе има 14 натпревари од регуларната сезона, проследени со плејоф натпревари и борба за МЛС Купот.
Промената ќе има големо влијание и врз политиката на трансфери на клубовите.
Една од главните цели е американските и канадските клубови да се усогласат со европскиот летен преоден рок, што ќе им го олесни доведувањето и продажбата на фудбалери.
Дополнително, новиот распоред треба да го намали преклопувањето на натпреварите од МЛС со распоредите на претставниците на ФИФА, особено за време на големите меѓународни натпреварувања.
