Љубителите на НБА-лигата ноќеска ќе останат без кошарка, бидејќи за вторник, 3 ноември, не е закажан ниту еден натпревар. Причината е Денот на изборите во САД, кога Американците гласаат на конгресните избори.
НБА-лигата одлучи да го ослободи овој ден од натпревари со цел да ги поттикне навивачите, играчите и сите вклучени во кошарката да учествуваат во изборниот процес и да го искористат своето право на глас. Оваа иницијатива беше воведена во 2022 година, а паузата на изборниот ден повторно е дел од календарот за сезоната 2026/27.
Натпреварите продолжуваат во среда, на 4 ноември, кога на програмата се дури 14 дуели. Интересно е што сите 30 екипи играа синоќа на ден пред изборната пауза.
