Попладнево во Речица, екипата на Ренова одигра пријателска средба со Кораби, и успеа да победи со убедливи 3:1. Стрелци на головите беа Мустафов, Рамадан и Садики. Ова значи дека и на пријателските натпревари составот на Ќатип Османи си “гази“ и покажува дека добрата форма и натаму е тука. Инаку на овој меч стратегот Османи им даде шанса на повеќе свои играчи со цел да ја види моменталната форма и на оние кои досега немаа поголема минутажа.
