Албанскиот интернационалец Сидрит Гури денеска го реши градското дерби Под Шара. Со неговиот гол во 23. минута, Шкендија славеше против Ренова со 1:0 и ја обезбеди петтата сезонска победа.
„Драго ми е што постигнав гол, затоа што сум тимски напаѓач и моја должност е да постигнувам голови. Се надевам дека ќе продолжам да постигнувам што е можно повеќе. Тимот, персоналот и тренерот ми помагаат многу, и верувам дека ќе продолжам да постигнувам голови и на следните натпревар”, изјави Гури по средбата.
