Никола Јокиќ се врати во тимот на Денвер по еден меч суспензија и со нов трипл-дабл беше еден од клучните играчи кај Нагетс во новата победа сезонава, овој пат над Атланта со 105:96. Српскиот центар забележа трипл-дабл учинок со 22 поени (10/22 од игра, 1/8 за три), собра дури 19 скока и реалирираше 10 асистенции.
Со тоа, Јокиќ се израмни со Лери Бирд на вечната листа на НБА лигата по бројот на трипл-дабл ефекти – двајцата го делат осмото место.
Далас одигра најдобро сезонава во 12-от натпревар и ја постигна осмата победа. Мавси го победија Сан Антонио со 123:109, а Лука Дончиќ го постигна првиот трипл-дабл сезонава со 32 поени, 15 асистенции и 12 скока. Конечно вистинското лице втор меч по ред го покажа и Кристапс Порзингис кој средбата ја заврши со 32 поени.
Голден Стејт не знае за пораз. Синоќа Вориорс ги „преслушаа“ и Чикаго Булс совладувајќи ги со убедливи 119:93. Стеф Кари постига 40 поени во новата 11-та победа за Вориорс, додека Вигинс му „асистираше“ со 15 поени.
НБА, резултати:
Шарлот – Њујорк 104:96
Бостон – Милвоки 122:113 (п)
Кливленд – Детроит 98:78
Хјустон – Портланд 92:104
Мемфис – Феникс 94:119
Њу Орлеанс – Бруклин 112:120
Оклахома- Сакраменто 105:103
Сан Антонио – Далас 109:123
Денвер – Атланта 105:96
Голден Стејт – Чикаго 119:93
ЛА Лејкерс – Минесота 83:107
