По голема драма во последното коло и одиграни 0:0 на домашен терен против тимот на Халмштад, екипата на Малме и нашиот интернационалец и репрезентативец Ердал Ракип ја освоија шампионската титула.
Ова е 25. пат како Малме е шампион на својата земја, а титулата дојде по освоениот бод кој беше доволен за да се заврши на врвот на табелата. Иако и второпласираниот тим на АИК Стокхолм има исто број на бодови 59. сепак, подобрата гол разлика ги прави Ракип и Малме шампиони. Нашиот интернационалец го започна мечот на клупата но поради повреда на Левицки, влезе уште во 22. минута од мечот.
