Дивок Ориги на асистенција на Мохамед Салах постигна гол во четвртата минута од судиското продолжение на мечот Вулверхемптон – Ливерпул и на тој начин му ги донесе трите бода на тимот од Енфилд со конечните 0:1.
Не издржа домаќинот во дуелот против големиот фаворит вечерва, иако заслужи да остане непоразен. Се бореа Волфси, спасуваа зицер ситуации, создаваа и свои можности, но на крајот Ориги, кој инаку влезе како џокер во последните минути им го одзема заслужениот бод.
Њукасл конечно победи
Од друга страна пак, тимот на Њукасл конечно победи и ја прекина серијата на лоши резултати. Обезбеден е триумф над Барнли на домашен терен со минимални 1:0, со голот на Вилсон.
Во последниот дуел од овој термин од Премиер лигата денеска, тимот на Саутемптон на домашен терен одигра 1:1 против Брајтон.
