Јувентус ќе направи обид да го привлече напаѓачот на Манчестер Јунајтед Антони Марсијал. Агентот на фудбалерот веќе откри дека неговиот клиент сака да го напушти „Олд Трафорд“ во јануари поради малата минутажа, а зделката може да стане факт набрзо, пренесува „Газета дело Спорт“.
Според пишувањата на изданието Јувентус ќе се обиде да го земе францускиот напаѓач под наем со опција да го откупат во текот на летото. Од друга страна во англискиот медиуми на големо се зборува за заминувањето на Марсијал но и на уште еден напаѓач, Џеси Лингард за кого интерес има од Вест Хем и Њукасл, додека тренерот на „Ѓаволите“ Ралф Рагник како наследник на Марсијал го гледа 19-годишниот Ентони Еланга кој игра во младинскиот тим.
