Поранешниот фудбалер на Манчестер Јунајтед Рој Кин кој сега работи како аналитичар на натпреварите во Премиер лигата често ги критикува фудбалерите на клубот од „Олд Трафорд“. Ирецот кој важи за човек кој директно кажува што мисли „удри“ по голманот Де Геа и дефанзивецот Хари Мегваер, а во емисија наменета за Премиер лигата посочи дека кога би бил тренер на Јунајтед директно би им поставил предизвик.
„Не се шегувам. Не ме знаеш. Не си бил во соблекувална со мене. Мора да им поставуваш предизвици на луѓето. Кога би бил тренер на Јунајтед, па макар и привремен, би ги повикал во канцеларија и би им кажал дека бев доста критички настроен кон нив и дека сега треба да ми докажат дека грешам. И толку, крај на разговорот. Ако се вознемират, не е проблем, играчите постојано се вознемирени“, изјави Кин.
