Антонио Конте, менаџерот на Тотенхем, по се изгледа, ќе биде доста активен на трансфер пазарот за време на зимската пауза. Италијанецот инсистира на освежување на составот и се чини дека претседателот Даниел Леви е подготвен да му дозволи поголема сума на пари за нови имиња.
Две од најголемите трансфер цели на конте се Дејан Кулушевски и Вестон Мекени од Јувентус, а лондончани подготвуваат сума од 60 милиони фунти за да ги донесат во Премиер лигата.
Конте и спортскиот директор Фабио Паратичи добро ги знаат квалитетите на овие двајца играчи. Во исто време, Јувентус изгледа подготвен да се раздели и со двајцата. Тие не се редовни стартери кај Масимилијано Алегри, иако добиваат редовно шанса за настап. Американецот одигра 10 натпревари како стартер и 3 како резерва во Серија А, додека Кулушевски почна на 4 натпревари, а на 12 се вклучи од клупата за резерви.
