Само неколку часа откако претседателот на Полската фудбалска федерација потврди дека договорот со Пауло Соуса е раскинат, бразилски Фламенго објави дека Португалецот ќе седне на нивната клупа. Бразилскиот тим вечерва објави дека Пауло Соуса потпишал договор со Фламенго на две сезони.
Португалскиот стратег дури и се сложи да плати отштета за раскин на договорот во висина од 300.000 евра само за да замине од кормилото на полската репрезентација.
Пауло Соуса имаше договор до март 2022 година и требаше да ја предводи полската репрезентација во баражот за квалификациите за Светското првенство.
