Данскиот фудбалер Кристијан Ериксен, кој во јуни колабрираше на Европското првенство, а во меѓувреме поради провлеми со срцето го напушти и Интер, се врати на тренинзи и тоа во швајцарскиот третолигаш Чијасо.
Ериксен мораше да „раскине“ со Интер затоа што Серија А не дозволува играчи со срцеви проблеми да играат во оваа лига, па е слободен во изборот на нов клуб, а прашање е каде би можел да ја продолжи кариерата поради ограничувањата кога е во прашање здравјето.
Данецот сака да продолжи да игра фудбал со оглед дека има 30 години и е во играчки најзрели години. Данецот тренира со Чијасо на теренот кој е блиску до швајцарско-италијанската граница, само 50 километри од Милано.
Малку е веројатно дека Ериксен ќе заигра за швајцарскиот третолигаш, тука само се обидува да ја врати физичката кондиција. Најверојатно ќе ја продолжи кариерата во Холандија.
Maestro @ChrisEriksen8 ❤️ pic.twitter.com/ZiM5BQrHKM
— Alessandro (@90ordnasselA) December 30, 2021
Christian #Eriksen continua ad allenarsi a #Chiasso in attesa di conoscere il suo futuro pic.twitter.com/NJQ3hB9jy6
— Riccardo Vassalli (@RickyVassalli) December 30, 2021