Додека се подготвуваме за продолжението на Европското првенство поточно главната рунда, во која ниту на ова натпреварување нема да игра Македонија, во јавноста и натаму можат да се прочитаат бројни изјави за она што се случуваше во Дебрецен.
Еден од ние кои зборуваше токму за нашата група е поранешниот македонски селектор, Веселин Вујовиќ.
„Црна Гора на ниту еден меч не беше фаворит, но знаев дека ќе влезе машки во рамноправна завршница и ќе ја победи Словенија која нема карактер и нема дефиниран лидер. Не знам зошто е толкаво разочарувањето во Македонија после поразот од Црна Гора. Тоа како тие ги гледаат своите играчи и тимот, не е реално“, изјави Вујовиќ.
Според него Кирил Лазаров како селектор на Македонија нема да биде критикуван, бидејќи има голем авторитет.
„Кирил Лазаров е млад тренер и има огромен авторитет, па нема да биде критикуван“, вели Вујовиќ иако во јавноста по трите порази имаше бројни критики на сметка на Лазаров.
