Денеска во Кратово фудбалерите на Силекс, есенскиот првак во ВМФЛ – ЗАПАД, ја одиграа својата прва контрола од кога стартуваше се подготовките. И веднаш убедлива победа и тоа од 3:1 против тимот на Саса, еден од најдобрите тимови минатата есен во ВМФЛ – ИСТОК.
Во првиот дел тимот на Саса водеше со голот на Алексовски, но во вториот дел Силекс одигра навистина добро, постигна три гола, а имаше уште толку шанси за поубедлива победа.
Да кажеме дека стрелци на головите за Силекс беа Мичковски, Цветаноски и Спиркоски.
