Во претходните сезони носеа засилувања од Португалија, а сега Вулверхемптон ја свртеа плочата и носат фудбалери од Азија, поточно од Јужна Кореја. По крилниот напаѓач Хван Ли Чанг кој дојде од РБ Лајпциг со тоа што потпиша перманентен договор, сега Вулверхемптон донесе уште еден фудбалер од Јужна Кореја. Се работи за голема фудбалска надеж на Јужна Кореја и неговото име е Јунг Санг Бин кој доаѓа од екипата на Сувон. Тој е десно офанзивно крило, има 19 години и веќе има еден настап на репрезентацијата на Јужна Кореја. Тој доаѓа со постојан договор, а сумата не е соопштена.
Сепак, новиот фудбалер нема веднаш да му се приклучи на Вулверхемптон, туку тој е испратен на позајмица во швајцарскиот Грасхопер. Позајмицата е на 18 месеци каде што ќе напредува на фудбалски план со оглед на тоа дека Вулверхемптон нема веднаш да го пуштат во „оган“ во Премиер лигата.
We have signed South Korean international winger Jeong Sang-bin!
The 19 year-old has headed to @gc_zuerich on loan to continue his development.
🇰🇷✍️ pic.twitter.com/URG854fRr5
— Wolves (@Wolves) January 28, 2022
