Сега и официјално. По неколкудневни преговори Њукасл успеа да се договори со Лион за трансфер на бразилскиот дефанзивец Бруно Гимараеш. Претходно двете страни се договорија за трансферната сума, а новинарот Фабрицио Романо пренесува дека Њукасл се согласил да плати 50 милиони евра, и притоа Лион има право на 20% од сумата од наредниот трансфер (што е повисока сума од претходно што се мислеше 40 милиони евра плус 2 милиони во бонуси). Фудбалерот откако ги мина лекарските прегледи во Бразил стави потпис на договорот кој е до 2026 година.
Ќе го носи дресот со број 39 кој го симболизира бројот на такси возилото што порано го возел татко му.
Тој е третото засилување за Њукасл оваа зима по Киеран Трипие и Крис Вуд.
„Бруно е талентиран фудбалер и ни беше приоритет оваа зима. Среќен сум што успеавме да го донесеме. Тој ќе биде огромно засилување за нас. Спремен е за игра“, изјави тренерот Еди Хоув.
Бруно е со репрезентацијата на Бразил за квалификациите за СП 2022 и ќе му се приклучи на Њукасл веднаш штом ќе заврши интернационалната пауза.
Official and confirmed, finally. Bruno Guimarães joins Newcastle from OL, statement announces. €50.1m fee add ons included plus 20% future sale percentage. 🇧🇷 #NUFC
Contract signed until June 2026. pic.twitter.com/PaGT5e5j5T
— Fabrizio Romano (@FabrizioRomano) January 30, 2022