Фудбалската репрезентација на САД синоќа го победи Хондурас со 3-0 на домашен терен во квалификациите за Светското првенство 2022 година. Голманот на гостите Луис Лопез и напаѓачот Ромел Кјото беа заменети на полувремето поради хипотермија.
Натпреварот се одигра во Минесота. Температурата во текот на натпреварот достигна -16 степени, а дуваше и леден ветер.
Селекторот на тимот на САД, Грег Берхалтер, по натпреварот изјави дека тимот на Хондурас, неговиот персонал и судиите биле обезбедени со топла опрема.
„Им обезбедивме топла опрема и се обидовме да создадеме безбедна средина за игра. Кога ќе дојдеме во овие земји беше +32 со неподнослива влажност. Момците дехидрираат, имаат грчеви и доживуваат топлотен удар. Тоа е природата на нашето натпреварување“, рече Берхалтер.
Селекторот на Хондурас, Хернан Дарио Гомез, ја осуди одлуката да се игра во услови на мраз.
